Алматыда әлемнің үшінші полюсіндегі өсімдіктердің алуантүрлілігін сақтау жөніндегі ІІІ халықаралық симпозиум басталды, деп хабарлайды aqshamnews.kz
ҚР Президенті жанындағы Ұлттық ғылым академиясының ұйымдастыруымен өтіп жатқан ІІІ Халықаралық симпозиумға Қытай ғылым академиясының академигі Ханг Сун, Өзбекстан Ұлттық ғылым академиясының академигі Комилжон Тожибоев, 14 елінен жүзден аса танымал ғалымдар қатысуда.
Жетекші ғалымдар 5 күн бойы өсімдіктердің генетикалық ресурстарын сақтау саласындағы жаһандық сын-қатерлерді талқылайды, жабайы флораны зерттеу мен сақтау жөнінде баяндамалар жасайды, шеберлік-сабақтарын өткізеді.
Симпозиум аясында аймақтағы өсімдіктердің биоалуантүрлілігін зерттеу үшін Орталық Азия желісі құрылады. Желі аясында 15 жоба жүзеге асырылады.