Алматылықтарды көп жағдайда абаттандыру мен экология мәселесі тоғандырады.
Бұл туралы Алматы қаласының әкімі Ерболат Досаев ОКҚ-да өткен Алматы қаласының әлеуметтік экономикалық дамуының 5 айдағы негізгі қорытындылары туралы сөйлеген сөзінде айтты, деп хабарлайды Almaty-akshamy.kz.
Қазақстан Республикасы Президентінің «Халыққа есеп беру кездесулерін өткізу туралы» Жарлығына сәйкес, әкімдік ағымдағы жылдың ІІ тоқсанында қаланың барлық аудандарында тұрғындармен 38 кездесу өткізді, оның ішінде 8 кездесуді қала әкімі әр ауданда өткізді.
Кездесулерге 40 мыңнан астам тұрғын қатысты (залда – 5 мың адам, онлайн – 35,3 мың адам) және 1 917 сұрақ қойылды, оның ішінде қала әкімі өткізген кездесулерге 36,2 мың адам (залда – 3,9 мың адам, онлайн – 32,3 мың адам) қатысып, 663 сұрақ қойылды.
Тұрғындар көтерген мәселелердің шамамен 60%-ке жуығы абаттандыру мен экология (459), инженерлік және көлік инфрақұрылымы (300), жер мен тұрғын үй (184), әлеуметтік объектілер (101), кәсіпкерлік (69) мәселелеріне қатысты болды.