Жаздың соңғы аптасын үйде өткізу – күнәға пара-пар іс. Өйткені дәл қазір Алматыда да, елдің басқа өңірлерінде де қызыққа толы іс-шара жетерлік: фестивальдер, кино көрсетілімдері, концерт пен тіпті УЕФА матчі. Аqshamnews.kz тілшісі аптаның ең қызық іс-шаралар топтамасын ұсынады.
Спорт
26 тамызда Алматыдағы Орталық стадионда "Қайрат" пен шотландиялық "Селтик" тағы да кездеседі. Бұл жолы "Қайрат" жеңіске жетсе, УЕФА-ның Чемпиондар лигасының негізгі кезеңіне өтіп, бәріміз тарихи сәттің куәсі боламыз!
30–31 тамыз күндері Медеуде автокөлік мәдениетіне арналған Motorfest фестивалі өтеді. Мұнда елдегі ең сирек кездесетін және эксклюзив көліктер жиналады.
Концерт
25 тамызда Qolyash есімді кәсіби виолончелистің "Viva la vida" аспапты концерті өтпек.
29 тамыз ресейлік Филипп Киркоров Queen Mountain Resort сахнасында өнер көрсетеді.
Дәл сол күні, 29 тамызда «La Bohême» театрында альтернатив фолк бағытында өнер көрсететін «STEPPE SONS» концерті өтеді.
31 тамызда Шарын шатқалында Shuaq фестивалі өтеді. Онда үш форматта өнер көрсетіледі.
Сондай-ақ, 30 тамызда қала орталығында Конституция күніне орай түрлі іс-шаралар өтеді.
Кино
Апта бойы қала кинотеатрларында отбасымен бірге көруге болатын фильмдер ұсынылады:
-
"Қолыңнан келсе, алып қаш";
-
"Диспетчер";
-
"Adam: Нартәуекел" анимациялық фильмі.
Бұдан басқа
- Almaty Gallery-де ХХ ғасыр туындылары, Пабло Пикассоның шығармаларын көруге болады.
- 30 тамызда Руслан Тай, Талғат Тынымбайдың Қазақша стендап-концертін тамашалай аласыздар.
- 31 тамызда "Арзан психологтар" жобасының YouTube түсірілімі өтеді. Онда әр көрермен жүргізушілерге мазалап жүрген бір сұрағын қояды.