"Қайрат" футбол клубының ЧЛ-дағы үшінш матчі кипрлік "Пафос" клубына қарсы 21 қазанда өтпек. Аталмыш ойынның билеттеріне қатысты жаңа мәлімет жарияланды, - деп хабарлайды Аqshamnews.kz тілшісі.
Клуб пен ресми серіктестер таратқан ақпаратқа сүйенсек, сатылым тәртібі мен шектеулер мынадай:
Билеттер қашан сатылып бастайды?
- Билеттер сатылымы: 13 қазан, 12:30.
- Матч өтетін күн мен орын: 21 қазан, 21:45, Орталық стадион (Алматы). Чемпиондар лигасының аясындағы матч.
Қайдан сатып алуға болады?
- Билеттер тек ресми арналарда қолжетімді:
- Freedom SuperApp
- Qairat SuperApp
- Басқа платформалар мен қайта сату сайттарынан алынған билеттердің жарамдылығына клуб жауап бермейді.
Күту бөлмесі (waiting room) қалай жұмыс істейді?
- Пайдаланушылар саны көп болған жағдайда жүйе сізді автоматты түрде «күту бөлмесіне» бағыттайды.
- Терезені жаппай, ашық күйде сақтаңыз. Сіздің кезегіңіз жақындағанда билет сатып алу беті өздігінен ашылады.
- Егер бетті кездейсоқ жауып алсаңыз, жүйе сіздің кезегіңізді 10 минутқа дейін сақтайды. Осы уақыт ішінде қайта кірсеңіз, орныңыз жоғалмайды.
Бір пайдаланушы қанша билет ала алады?
- Бір қолданушы (бір телефон нөмірі және бір банк картасы) бір матчқа ең көбі екі билет сатып ала алады.
- Сатып алу кезінде ЖСН немесе паспорт деректері енгізіледі. Әр билет нақты адамның ЖСН-іне тіркеледі.
Екі билетті бір ЖСН-мен рәсімдеуге бола ма?
- Жоқ. Әр билет жеке ЖСН-ге байланады. Екі билет алсаңыз, екеуіне де тиісті адамдардың деректері қажет.
Маңызды кеңестер
- Қосымшаны алдын ала жаңартып алыңыз, банк картасы мен интернет байланысын тексеріңіз.
- Күту бөлмесінде тұрған кезде бетті жаңартпаңыз және қолданбаны жаппаңыз.
- Сатып алу аяқталған соң, билеттің QR-кодын және тапсырыс нөмірін қауіпсіз жерде сақтаңыз.
