Алматылық "Қайрат" Чемпиондар лигасының жалпы кезеңінің алтыншы турындағы матчте Грекияның "Олимпиакосынан" жеңілді, - деп хабарлайды aqshamnews.kz тілшісі.
Ойын "Астана Аренада" өтіп, қонақтар пайдасына 1:0 есебімен аяқталды. 73-минутта қонақ команданың вингері Желсон Мартинш гол соқты. Ол Темірлан Анарбеков қорғаған қақпаны өткір бұрыштан дәл соққымен ала білді.
Айта кетейік, қазақстандық клубтың қақпашысы бұл ойында алғаш рет капитан таңғышымен алаңға шығып, бірнеше эпизодта "Қайратты" голдан құтқарып қалды.
Сондай-ақ, "Қайраттың" жалпы кезеңде өткізетін тағы екі матчі бар екенін ескерейік: 2026 жылғы 20 қаңтарда алматылықтар Астанада бельгиялық "Брюгге" клубын қабылдайды, ал 28 қаңтарда Лондонда "Арсеналмен" кездеседі.