Алматылық “Қайрат” футбол клубының бас бапкері Рафаель Оразбахтин команданың негізгі қақпашысы Александр Заруцкий енді клуб сапында өнер көрсетпейтінін растады, деп хабарлайды Аqshamnews.kz тілшісі.
Бұл туралы ол “Қайрат” пен “Олимпиакос” арасындағы кездесу алдындағы баспасөз мәслихатында мәлімдеді.
“Александр Заруцкийдің “Қайратпен” келісімшарты аяқталды”, – деп қысқа ғана жауап берді бас бапкер.
Еске салайық, Заруцкий “Қайраттың” сырт алаңда “Селтикке” қарсы өткен ойынында ауыр жарақат алып, содан бері жасыл алаңға оралған жоқ. Кейін “Селтикке” қарсы Алматыда өткен матчте қақпаны Темірлан Анарбеков қорғады.
Александр Заруцкий Чемпиондар лигасының плей-офф кезеңінде ерекше көзге түскен қақпашылардың бірі болды. Ол іріктеу ойындарында “Қайраттың” қақпасын бірнеше голдан аман сақтап, пенальти серияларында да бірнеше соққыны қайтарып, командаға үлкен көмегін тигізді. Сонымен қатар клубтың Чемпиондар лигасының негізгі кезеңіне жолдама алуына зор үлес қосты.