Қазақстандық "Қайрат" футзал клубы әлемдегі ең үздік команда номинациясы бойынша беделді Futsal Awards сыйлығының үміткерлері қатарына енді, - деп хабарлайды aqshamnews.kz тілшісі премияның баспасөз қызметіне сілтеме жасап.
Алматылықтардан бөлек, тізімге түрлі елдер мен құрлықтардан тағы тоғыз команда кірді. Осылайша, "Қайрат" 2025 жылдың әлемдегі үздік 10 клубының бірі атанды.
Futsal Awards 2025 сыйлығының номинанттары:
-
"Лиссабон" (Португалия);
-
"Бинтанг Тимур Сурабая" (Үндістан);
-
"Бока Хуниорс" (Аргентина);
-
"Хонгем Тахам" (Тайланд);
-
"Джарагуа" (Бразилия);
-
"Қайрат" (Қазақстан);
-
"Катания" (Италия);
-
"Пальма" (Испания);
-
"Пеньяроль" (Уругвай).
Жеңімпаз 7 қаңтарда өтетін салтанатты рәсімде жарияланады.
"Қайрат" қалай үздік клубтар қатарына енді?
Еске салайық, Алматының футзал клубы - әлемдегі ең титулды белсенді командалардың бірі. "Қайрат" УЕФА кубогын екі рет жеңіп алған және Чемпиондар лигасының шешуші кезеңдеріне тұрақты түрде қатысып келеді.
Өткен маусымда алматылықтар Еуропаның басты клубтық турнирінің финалына дейін жетіп, тек "Пальмаға" ғана жол берді.
Сондай-ақ, "Қайрат" Қазақстан чемпионатын 21 рет жеңіп алған және биылғы маусымда да турнир кестесінде көш бастап тұр.
Айта кетейік, биыл футзалдан Чемпиондар лигасында 1/4 финалға Қазақстаннан бірден екі команда шықты — "Қайрат" пен "Семей". 23 ақпанда алматылықтар испаниялық "Картахенамен", ал семейлік команда француздың "Этуалімен" кездесуді бастайды.
Бұған дейін Қазақстан құрамасының футзалдағы көшбасшыларының бірі Лео Жарагуа бразилиялық клубқа ауысқаны хабарланған еді.