Базалық мөлшерлеме 18%-ға көтерілгеннен кейін бірнеше ірі банк ипотекалық өтініш қабылдауды уақытша тоқтатты.
Қаржылық сауат телеграм каналының мәліметінше, қазіргі уақыттағы жағдай төмендегідей:
Ипотека уақытша тоқтатылған банктер:
Halyk Bank — 14 қазаннан бері өтініш қабылдамайды, қашан ашылатыны белгісіз.
ForteBank — уақытша тоқтаған, мерзім анық емес.
Bank RBK — ипотека бар, бірақ қазір қабылдау тоқтап тұр.
Нұрбанк — 10 қазаннан бері өтініш қабылдамайды.
ЦентрКредит банкі — 14 қазан таңертең тоқтаған.
Ипотека беруді жалғастырып жатқан банктер:
Отбасы банк — ипотека бұрынғы шартпен беріледі.
Freedom Bank — ипотека бар, бірақ мөлшерлеме көтеріледі, «7-20-25» өзгеріссіз қалады.
Altyn Bank — ипотека бар, бірақ қайталама нарық уақытша тоқтаған, бастапқы нарық BI, Bazis, Sensata компанияларымен шектеледі.
Ипотекасы жоқ банктер:
Kaspi Bank, Alatau City Bank, Bereke Bank, Home Credit, VTB, Eurasian Bank.
