***
Оңайға түскен табыс ойран салады,
Еңбекпен келген еңбектеп шығады.
***
Қазақ пен қазақтың арасын туыс,
Күн мен күннің арасын жұмыс жалғайды.
***
Қысылмай-ақ айтар едім баршаға,
Жақсы дер ем еңбекпенен шаршаған.
***
Мереке – мейрам көбейіп кеткен кезде
Жұмыс күндерін сағынасың.
***
Еңбеккер азамат өлгенде оның артында
Жаңа ғана басталған бір шаруа қалады...
***
Жалқаулық адамның қадірін түсіреді,
Бірақ еңбектің бағасын көтереді.
***
Еңбек – сау адамның шипасы.
***
Жұмыс ұрмай-соқпай тәрбиелейді.
***
Баянсыз дақпырттан
Баянды еңбек артық.
***
Қауіп елші емес,
Тыныштық – елші.
Тәуіп емші емес,
Еңбек – емші.
***
Өрнексіз текемет болса да,
Еңбексіз керемет болмайды.
***
Кімнің кім екені еңбеккерлігімен есептеледі.
***
Еңбекпен тіл табысқан талант,
Жалынан сипатпайды.
***
Қамау тері алынбаған жүйрік
жарысқа жарамайды.
Таланттың қамау терін жұмыс алады.
***
Таланттың бас бапкері – Еңбек,
Бірақ ел одан қашып жүреді.
***
Көп адам ойды жұмыс деп есептемейді,
Ал ол қара жұмыстан да ауыр.
***
Жалғыздықтың уытын
Жұмыс қана қайырады.
***
Еңбекпен келген ақша еңіреп шығады.
***
Еңбекпен байлық құралмайды.
Бірақ байлықты ұстап тұруға Еңбек керек.
***
Қажудың емі – тыныс,
Қайғының емі – жұмыс.
***
Өз еңбегімен күн көргендер – маймылдар ғана.
Өзгенің еңбегімен күн көргенді қалайтындар – адамдар.
***
Еңбекпен өткен уақыт екі есе қайтады.
***
Бәрі де еңбекпен келмек,
Ұстаздың ұстазы – Еңбек.
***
Ақыл мен Еңбек
Бәрін де жеңбек.
***
Түк тындырмайтын әкімнің
Орынбасары көп болады.
***
Жұмысбасты адамның
Жамандық жасауға уақыты жоқ.
***
Жетімдік – Еңбекке,
Еңбек – кісілікке тәрбиелейді.
***
Еңбеккер адамға сөз тимейді
Көз тиеді.
***
Еңбекті күнкөріс деп қарамай,
Өмірдің өзі деп түсінген жөн.
***
Адам еңбегімен көгереді.
***
Бір-біріне жататұғын жалғасып,
Еңбек деген тіршіліктің дұғасы.
***
Жұмыс қайғыңды ұмыттырады,
Алдыңда үміт тұрады.
***
Бір күн жұмыс істемесең,
Бір күн өмір сүрмедім деп түсін.
***
Еңбектің қадірін ең бірінші білген – мешін.
Кейбіреулер еңбектен ала алмай жүр өшін.
***
Адамды күйіндіретін,
Тіпті киіндіретін де еңбек емес,
Сүйіндіретін Еңбек.
***
Бір тонна еңбек –
Бір мысқал бедел.
***
Еңбексіз келген дәулет есіртеді.
***
Қарыз сұрағанға сұрағанын бер,
Ақыл берме!
***
Пенденің жауы – пенделік,
Сендегі және мендегі.
Байлық та емес, Билік те,
Адамның бағы – Еңбегі.
***
Еңбек! Еңбек! Еңбек!
Еңбеккер саған ғана сенбек.
***
Жұмыс – ауызбен емес,
Қолмен оқылатын дұға.
***
Жұмыс – тер төгу,
Демалу – ойлану.
***
Ащы термен жуылған ақша
Алтынмен бағаланады.
***
Күрек ал да қар күре,
Соның өзі ғанибет!
***
Ақ аязда ағаш жарсаң,
Қыстың өзі жылынып жүре береді.
***
Адам жатудан да жалығады.
Жалықтырмайтын –
Сүйікті жұмысың ғана!
***
Еңбек етуді қойған маймыл
Адам болмайды.
***
Еңбек еткісі келмеген адамның
Ішуден басқа жұмысы жоқ.
***
Ұсақ-түйекпен
Өзі ұсақ адамдар шұғылданады.
***
Шашырама!
Шашырама!
Тұрсаң бір орныңда тұр!
Ұрсаң бір нүктеге ұр!
***
Еңбеккер – қыранның қанаты,
Тұлпардың тұяғы.
Жолбарыстың жүрегі,
Адамның абыройы.
***
Еңбек – жан-жақты,
Сегіз қырлы, бір сырлы емші.
Ең дәмді жеміс, ең қымбат жеміс –
Еңбектің жемісі.
***
Өзін-өзі өлтірудің оңай нұсқасы – Жалқаулық.
***
Көп жеуге болмайды,
Көп ішуге болмайды.
Көп ұйықтауға болмайды,
Көп еңбек етуге болады.
***
Таланттың түбіне
Ойын-сауық жетеді.
***
Ақымақтармен тілдескенше,
Еңбеккермен шүйіркелес.
***
Жұмыстың ең жаманы –
Жұмыс істемеу.
***
Шаруасын тындырған адам
Шалқып сөйлейді.
***
Еңбектің Ері –
Маңдайдың тері.
Қара жұмыс қан таратады.
***
Еңбекақысыз еңбек еткеннен
Адам боп кеткен маймыл ғана.
***
Ең ауыр жұмыс істеген өгіздер
Қамшыдан бас көтермеген.
***
Ісі ұсақтың өзі ұсақ.
***
Жалқаулықпен түңілдірме,
Екі қолға тыным берме.
***
Еңбек әдетке
Ойлану салтқа айналуға тиіс.
***
Ұқыптылық деген ол заң,
Еңбек деген – бальзам.
***
Еңбекпен ғана өмір құлпырады.
Еңбеккердің көзінде нұр тұрады.
***
Еңбек етпеген пенде
Бәрінен де кенде.
***
Ергежейлінің өкшесі биік,
Еңбеккердің еңсесі биік.
***
Қиындықтың қамалын зеңбірекпен алмайды,
Еңбекпен алады.
***
Еңбекпен келген дүниең – өз дүниең.
Өзге желмен келген дүние – өзгенікі.
***
Жер аударған күректің жүзі жайнап тұрады.
***
Еңбек – адамның автопортреті.
***
Адам өзі үшін еңбек етеді,
Елі үшін ерлік жасайды.
***
Құдай көмектескен күннің өзінде
Өзің тер төгуге тиіссің.
***
Абыройға сен қанша еңбек сіңірсең,
Ол да сонша қызмет етеді.
***
Жаратқанның өзі жұмыскер жанды жаратады.
***
Ақылыңа табын,
Екі қолыңа жалбарын,
Құдай береді қалғанын.
***
Шаршаудың өзі рахат, жұмысың бітсе.
Жұмысың бітсе, жұмыстың жемісін күтсең.
***
Байлық баянсыз,
Бақыт баянсыз,
Еңбек қана баянды.
***
Ертеңге сенбе,
Еңбегіңе сен!
***
Жесір мен жетімнің арқа сүйері –
Жұмыс қана!
***
Түсіне қарап түңілме,
Ісіне қарап үміттен!