Президент Қасым-Жомарт Тоқаевтың Ресей Федерациясына мемлекеттік сапары қарсаңында «Российская газета» басылымында «Вечная дружба – путеводная звезда для наших народов» атты мақаласы жарық көрді, - деп хабарлайды Аqshamnews.kz тілшісі.
Президент Тоқаев бұл көлемді мақаласында Қазақстан мен Ресейдің «мәңгі достық» туралы тарихи-философиялық концепциясын қайта бекітіп, екі ел қатынастарының жаңа кезеңге өтіп жатқанын айтады. Негізгі ойлары төмендегідей:
1. Мәңгі достық – тарихи таңдау.
Тоқаев қазақ және орыс халықтары ғасырлар бойы қатар өмір сүріп, ортақ мәдени кеңістік қалыптастырғанын айтады. Осы тарихи байланыс екі елді стратегиялық серіктес етті.
2. Қазақстан–Ресей қатынастары – үлгілі мемлекетаралық модель.
Екі ел тәуелсіздік алғаннан бері сенімге, теңдікке және өзара құрметке негізделген қатынастарды дамытып келеді. 1992 жылғы «Мәңгі достық туралы шарт» - сол жолдың бастауы.
3. Алдағы кезең – «жан-жақты стратегиялық серіктестік және одақтастық» деңгейі.
Тоқаев Мәскеуге сапарында жаңа Декларацияға қол қойылатынын, бұл құжат қарым-қатынасты жаңа кезеңге шығаратынын жазады.
4. Экономика және инвестициялар.
– Ресей - Қазақстанның үш ірі сауда әріптесінің бірі.
– Тауар айналымы 30 млрд долларға жақындады.
– 170-тен астам бірлескен ірі жоба (50 млрд доллардан аса инвестиция).
– Энергетика, атом электр стансасы, мұнай-газ, химия өнеркәсібі, машина жасау - басты бағыттар.
5. Транспорт және транзит.
Қазақстан арқылы Азия–Еуропа арасындағы жүк тасымалының 85%-ы өтеді.
Екі ел «Солтүстік–Оңтүстік», «Батыс Еуропа – Батыс Қытай» дәліздерін бірге дамытып жатыр.
6. Гуманитарлық байланыстар.
– Байқоңырдың 70 жылдығы, соғыс жеңісінің 80 жылдығына қатысты іс-шаралар.
– Орыс тіліне қолдау, МГИМО филиалы, «Сириус» мектебі, Ресейдегі әл-Фараби атындағы ҚазҰУ филиалы.
– «Мәңгі достық аллеясы» Астанада, Мәскеуде – «Қазақстан–Ресей достығы сквері».
7. Ресей лидері туралы пікірі.
Тоқаев Путиннің халықаралық рөлін атап өтіп, оның Қазақстандағы беделі жөнінде пікір білдірді.
Толық мақаланы мына сілтемеден оқи аласыздар.