Мемлекет басшысы бокстан Әлем чемпионатында топ жарған боксшыларды құттықтады, деп хабарлайды Аqshamnews.kz тілшісі.
Қасым-Жомарт Тоқаев жүлдегерлерге ақ тілегін арнады.
"Ливерпульде өткен бокстан Әлем чемпионатында ұлттық құраманың жеңіс жолын Алуа Балқыбекова, Аида Әбікеева, Төрехан Сабырхан, Наталья Богданова, Айбек Оралбай жалғастырды. Қазақ боксшылары әлем біріншілігінде керемет нәтиже көрсетті. Әйтсе де алдымызда АҚШ-та өтетін Олимпиада ойындары күтіп тұр. Соған қазірден бастап дайындалу қажет. Қазақ бокс мектебінің мерейі әрдайым үстем болсын!" – деп жазды Президент Instagram парақшасында.Еске салайық, 14 қыркүйекте бокстан Қазақстан құрамасы Ливерпульдегі біріншілікте он медаль жеңіп алды, оның жетеуі - алтын. Нәтижесінде отандастарымыз жалпыкомандалық есепте бірінші орынға жайғасты (жеті алтын, бір күміс және екі қола).