Ол бұл сайлау көздеген реформалардың жүзеге асуына жаңаша серпін беретінін жеткізді.
Мемлекеттік кеңесші Ерлан Қарин депутаттыққа түсіп жатқан кандидаттардың көптігі қоғамда Президент реформасына қолдау бар екенін байқататынын айтты, -деп хабарлайды Аlmaty-akshamy.kz Azattyq Ruhy-на сілтеме жасап.
«Бұл дегеніміз – реформалар қоғам тарапынан қолдау тапты деген сөз. Егер бір мандатты округ бойынша осыншама адам өз кандидатурасын ұсынып отырса, әртүрлі саяси партиялардың үгіт-насихат бағдарламасына қатысса, бұл – Президент реформалары қоғам тарапынан үлкен қызығушылық оятып, қолдау тапты деген сөз. Реформалар үміт ұялатып отыр. Менің ойымша, бұл сайлау көздеген реформалардың жүзеге асуына жаңаша серпін береді», - деді Ерлан Қарин.
Айта кетейік, Мемлекеттік кеңесші Ерлан Қарин Астана қаласындағы Ұлттық кітапханада ашылған сайлау учаскесіне барып, дауыс берген болатын.