2025 жылдың 18 сәуірінде Алматы қаласы Білім басқармасының медиа-жоспары және «Жұмысшы мамандықтар жылы» аясында Алматы қаласындағы мемлекеттік колледждер арасында «Polytech Information Olympiad – 2025» атты қалалық информатика олимпиадасы жоғары деңгейде өткізілді, деп хабарлайды aqshamnews.kz.
Олимпиаданың басты мақсаты — талантты жастарды қолдау, студенттердің IT саласындағы құзыреттерін, логикалық ойлауын және шығармашылық қабілеттерін дамыту. Олимпиада қатысушыларға өз білімдерін нақты кәсіби сайыс жағдайында қолдануға, сондай-ақ жаңа тәжірибе мен өз күшіне деген сенімділік алуға мүмкіндік берді. Мұндай іс-шаралар — бұл цифрлық экономиканың болашағына салынған инвестиция және жаңа буындағы сұранысқа ие мамандарды даярлаудың бір бөлігі.
Бұл додаға қаланың түрлі колледждерінен үздік студенттер қатысып, өз білімдері мен біліктіліктерін көрсетті.
Олимпиада мемлекеттік және орыс тілдерінде өткізілді.
Олимпиада 3 кезеңнен тұрды:
- Moodle платформасында онлайн тестілеу.
Бұл кезеңде информатика пәні бойынша 40 сұрақтан тұратын тест тапсырды. Сұрақтар қазақ және орыс тілдерінде және тапсырмаларды орындауға 40 минут уақыт берілді.
- Python бағдарламалау тілінде есептер шығару.
Информатика пәні бойынша Phyton бағдарламасымен тапсырмаларды орындау компьютерде орындалды.
- HTML/CSS көмегімен «Мен — болашақ IT маманымын» тақырыбында веб-парақша әзірлеу.
Қатысушылар жасаған веб-парақты HTML және CSS файлдарымен бірге көрсеткен болатын.
Үш кезеңнің қорытындысы бойынша қатысушылар келесі нәтижелерді көрсетті:
Қазақ тілінде білім алушы студенттер арасында:
1 орын — Собитұлы Бексұлтан, Алматы технологиялық колледжі
2 орын — Тұрсынбай Олжас, №1 Алматы қазақ гуманитарлық-педагогикалық колледжі
3 орын — Базарбай Сердалы, Туризм және қонақжайлылық индустриясы колледжі
Орыс тілінде білім алушы студенттер арасында:
1 орын — Алекссеев Ярослав, «Almaty Polytechnic College» КГКП
2 орын — Песоцкий Артём, «Алматинский колледж сервиса и технологий» КГКП
3 орын — Шапшай Ольга, «Алматинский государственный бизнес колледж» ГККП
Жеңімпаздарды шын жүректен құттықтаймыз! Барлық қатысушыларға белсенділігі, бастамашылдығы және IT саласына қызығушылығы үшін алғыс білдіреміз!
Олимпиаданың әділ әрі объективті өтуіне қазылар алқасының кәсібилігі үлкен үлес қосты. Әділ қазылар алқасының құрамында:
- Ибраимова Айнуркен Болатовна – информатика пәнінің оқытушысы, педагог-зерттеуші (мектептен келген сарапшы маман);
- Алметова Лаззат Аманкуловна – информатика пәнінің оқытушысы, педагог-сарапшы;
- Аманова Гульнара Альмахановна – информатика пәнінің оқытушысы, педагог-модератор болды.
Қазылар алқасы олимпиада барысында білім алушылардың жұмыстарына әділ, жан-жақты талдау жасап, олардың теориялық және практикалық қабілеттерін нақты бағалай білді. Мұндай кәсіби көзқарас сайыстың сапалы әрі шынайы өтуіне септігін тигізді.
Бұл шара студенттердің өзара тәжірибе алмасуына, шығармашылық қабілеттерін танытуға, болашақ ІТ-мамандары ретінде өздерін дамытуға үлкен мүмкіндік берді. Мұндай білім додалары – техникалық бағыттағы жастардың әлеуетін ашудың маңызды жолы.
Олимпиада студенттердің цифрлық сауаттылығын арттырып қана қоймай, олардың шығармашылық әлеуетін дамытуға жол ашты. Бұл шара — тек жарыс емес, болашақ мамандардың алғашқы қадамдарын нығайтатын, идеяларын жүзеге асыруға мүмкіндік беретін платформа болды.
Polytech Information Olympiad – 2025 — бұл білім мен біліктілік, шығармашылық пен технологияның түйіскен алаңы. Келешекте мұндай олимпиадалар жалғасын тауып, техникалық саладағы жастардың жаңа белестерге жетуіне жол ашады деген сенімдеміз.