Павлодарда балаларын терезеден итеріп жіберген әйелдің ісі сотқа жолданды, деп хабарлайды Aqshamnews.kz тілшісі irbistv.kz-ке сілтеме жасап.
Қылмыстық іс Павлодар облысының қылмыстық істер жөніндегі мамандандырылған межрайондық сотына түсті. Сот ісі мемлекеттік тілде және жабық режимде қаралады.
Еске салайық, қайғылы оқиға 2025 жылдың 30 шілдесінде Павлодардағы Нұрмагамбетова көшесінде болған. Әйел көпқабатты үйдің подъезіндегі терезеден жасы 1,5 жастағы және 7 жастағы екі ұлын итеріп жіберіп, артынша өзі де секірген.
Оқиғадан кейін екі тәулік өткенде кенже бала көз жұмды. Ал ағасын дәрігерлер аман алып қалды. Екі аптадан соң ол ауруханадан шығарылып, әкесімен бірге ауылға қоныс аударған. Әйел де тірі қалып, тамыз айының соңында ауруханадан шығарылды. Оған қатысты қылмыстық іс қозғалды.
Қазан айының ортасында полиция күдікті әйелдің Павлодар облыстық психикалық денсаулық орталығына мәжбүрлеп орналастырылғанын хабарлаған болатын.