Кеше Павлодар қаласындағы "Усолка" шағынауданында екі қабатты кірпіш үйдің бірінші қабатында болған өрттен екі бала зардап шегіп, бір бала көз жұмды, деп хабарлайды Almaty-akshamy.kz Inform.kz-ке сілтеме жасап.
«10 желтоқсанда сағат 17.57-де "Усолка" шағынауданында екі қабатты кірпіш үйдің бірінші қабатында өрт шыққан. Үйде 5 жасар ұл мен 14 жасар қыз бала болған. Сонымен бірге үйдің залында 2021 жылы туған баланың күйік шалған денесі табылды. Үйде үлкендер болмаған», - делінген полиция хабарламасында.
Өрттен зардап шеккен балалар ауруханаға жатқызылмаған.
«Дәрігерлер оқиға орнына келген кезде, 2008 және 2017 жылы туған балаларға күйзеліске түсу диагнозын қойды. Қазіргі таңда балалар анасымен бірге", — деді облыстық денсаулық сақтау басқармасының баспасөз қызметінен.