Павлодарда бір жасар бала үшінші қабаттан құлап, аман қалды, деп хабарлайды Aqshamnews.kz.
Павлодар облыстық балалар ауруханасының мәліметінше, 2024 жылы туған сәби бас миының шайқалуы және ішкі ағзалардың соғылуы диагнозымен ауруханаға жеткізілген.
Анасының айтуынша, бала оқыс оқиға кезінде үйде ойнап отырған. Ал анасы бала құлап кеткен сәтте басқа бөлмеде жүрген. Бүлдіршін үшінші қабаттағы терезеден құлаған.
Қазіргі уақытта бала жансақтау бөлімінде. Есін жиған, дәрігерлер тарапынан барлық қажетті ем-дом жүргізіліп жатыр.