Париж Олимпиадасының қола жүлдегері Ислам Сәтбаев қазақстандықтардан қалыс қалмай, өз таңдауын жасау үшін сайлау учаскесіне келді, деп хабарлайды aqshamnews.kz.
«Референдум – әрбір азаматтың дауысы маңызды саналатын демократияның маңызды құралы. Мен бұған бей-жай қарамайтын қазақстандықтар секілді еліміздің болашағы үшін дауыс бердім. Баршаңызды азаматтық парызыңызды орындауға шақырамын», – деді Ислам Сәтбаев.
Еске сала кетейік, бұған дейін Алматыда XXXIII жазғы Олимпиада ойындарының қола жүлдегері Назым Қызайбай, танымал боксшы Ермахан Ибраимов, Олимпиаданың күміс жүлдегері Нариман Құрбанов және т.б спортшылар дауыс берген болатын.