Финал 6 тамыздан 7-сіне қараған түні өтеді.
Бүгін жеңіл атлетикадан 3 000 метрге кедергімен жүгіруден іріктеу кезеңі өтті, деп хабарлайды aqshamnews.kz
Ұлттық құрама спортшысы Нора Джеруто 3000 метрге кедергілер арқылы жүгіруде Париж Олимпиадасының финалына жолдама алды.
Ол іріктеуде 4-орын алды. Уақыт көрсеткіші - 9:16.46 секунд. Бұл Нораның осы маусымдағы үздік нәтижесі.
Джеруто осы қашықтықта 2022 жылы Юджинде өткен әлем чемпионатында 8 минут 53 секунд нәтижесімен Қазақстанға жеңіл атлетикадан алғашқы алтынды алып келген.
Ал осы қашықтықтағы тағы бір өкіліміз Дэйзи Джепкемей мәреге 9-шы болып жетіп, жүлдеге таласу мүмкіндігінен айырылды.