Тбилисиде өтіп жатқан пара дзюдодан Әлем кубогының алғашқы күнінде Қазақстан спортшылары тамаша нәтижелер көрсетіп, үш жүлде жеңіп алды, деп хабарлайды aqshamnews.kz
Ақмарал Науатбек (J2, 52 кг) финалда неміс спортшысы Изобель Тайды жеңіп, алтын медаль иеленді.
Альфия Тілекқабыл (J1, 52 кг) ақтық сыңғарда Ресейдің өкілі Виктория Потавода жеңіп, өз салмағында алтын медальды иеленді.
Ғалымжан Смағұлұлы (J2, 81 кг) финалда Литва спортшысы Освальдос Барейкистенге есе жіберіп, күміс медальмен марапатталды.
Қазақстанның пара дзюдошыларының нәтижелері спорт әлемінде елдің деңгейін көрсетіп, халықаралық аренада үлкен жетістіктерге жетуге деген ынтасын айқын дәлелдеді.