«Ауру – астан» деген сөздің жаны бар.
Дегенмен, созылмалы панкреатиттің пайда болуы тамақтан емес дейді ғалымдар.
Әрине, бұл күрделі ауру аспаннан түспейді. Ол ұзақ уақыт алкоголь ішуден болады, немесе өт жолдарының қабынуы, не болмаса триглицеридтердің көбеюінен, шылым шегу мен гиперкальцемиядан пайда болады.
Мамандардың айтуынша, панкреатитті УЗИ арқылы анықтау қиын, ол тек диффузды өзгерістерді анықтап береді. Ал ұйқы безіндегі диффузды өзгерістер мен фиброз ағзаның қартаюынан да болады.
Ұйқы безі ауруын анықтаудың ең дәл тәсілі – асқазан, ішек жолдарына МРТ/КТ жасату.