Шымкент қаласының қылмыстық істер жөніндегі ауданаралық сотының үкімімен қаржылық пирамида құру және оған басшылық етумен «Пайызсыз Баспана» тұрғын үй ұйымының басшысы мен қызметкерлері 3 жылдан 6 жылға дейінгі мерзімге бас бостандығынан айыру жазасына кесілді, деп хабарлайды aqshamnews.kz.
Сот талқылауы барысында сотталушылар Шымкент, Алматы, Астана қалаларында 2019-2021 жылдары аралығында «Инстаграм» әлеуметтік желісі арқылы ақша салымшыларды тартып, төмен бағамен баспана ұсынуға уәде берген.
Қылмыстық схемаға сәйкес бұдан әрі салымшылардың қаражатына өздерінің қажеттілігі үшін жылжымалы және жылжымайтын мүліктер алғандары анықталды, 134 жәбірленушіге 171 млн теңгеден астамкөлемде залал келтірілген.
Сот үкімі заңды күшіне енген жоқ.
Шымкент қаласының тұрғандары және қонақтарының назарына қандай да бір тұрғын үй ұйымына жарна және қаржылық пирамидағаақша салу ұсынылған жағдайда сақ болуларыңызды сұраймыз.
«Пайызсыз баспана» қаржылық пирамидасын ұйымдастырушылары сотталды
- Автор aqshamnews.kz
- 17:20, 03 қазан 2024
Сурет: Astanatv.kz