2023 жылы елімізден 4 000 адам ұлы сапарға аттанып, қажылық құлшылығын атқарып келді.
Бұл туралы ҚМДБ Қажылық бөлімінің меңгерушісі Жәнділлә Бекжігітов баяндады, деп хабарлайды Almaty-akshamy.kz.
«Өткен қажылық маусымында Бас мүфти Наурызбай қажы Тағанұлы Қазақстан Қажылық миссиясының төрағасы ретінде қажыларды қасиетті мекенге бастап барды. Қазақстандық қажыларға арнайы насихат айтты. Қажылық маусымында қажыларға қызмет ету үшін конкурстан өткен әрбір туристік фирмаға уағызшы-имамдар іріктеліп, 18 имам бекітілді. Нәтижесінде Мекке мен Мәдина қалаларында 461 рет уағыз-насихат айтылды», - деді бөлім меңгерушісі.