«Адал азамат» біртұтас тәрбие бағдарламасын және «Отбасы күні» аясындағы жалпықалалық жоспарды жүзеге асыруда, Алматы сән және қызмет көрсету саласы колледжінде «Отбасылық әл –ауқат» қаржылық сауаттылық тақырыбында тренинг өткізілді.
Қаржылық сауаттылық – әр адамның өмірінде маңызды рөл атқаратын дағды.
Іс-шара колледж директоры Джунисалиев Жанболат Сманұлының сөзімен ашылды.
Іс-шараның негізгі мақсаты - қаржы саласындағы білімдерін кеңейту, жеке бюджетті жоспарлау, артық шығыннан аулақ болу және қаржылық қауіпсіздік ережелерін түсіндіру болды.
Тренинг барысында келесі тақырыптар қозғалды:
- Ақша деген не және оны қалай дұрыс басқаруға болады;
- Бюджет құру және жинақ жасау жолдары;
- Қарыз, несие, пайыз ұғымдары;
- Қаржылық алаяқтардан қорғану әдістері;
- Цифрлық қаржы құралдарын (Kaspi, банк қосымшалары) пайдалану ережелері.Қатысушылар интерактивті тапсырмалар мен өмірлік жағдайларға байланысты сұрақтар арқылы білімдерін бекітті. Пікірталас форматында өткен шара жастардың қызығушылығын оятып, саналы қаржыға деген көзқарасын қалыптастырды.
Қорытындысында, тренингке қатысушылар:
✓ Жеке қаржыны жоспарлаудың маңызын түсінді;
✓ Жинақ пен үнемнің құндылығын білді;
✓ Қаржылық жауапкершілік дағдысын қалыптастырды.
«Саналы қаржы – сенімді болашақ» қаржылық сауаттылық тренингінде ата-аналар, жас педагогтар және студенттер тапсырмаларды орындап, белсенділік танытты. Ұсынылған тапсырмалар қатысушылардың ұйымшылдығын, ынтымақтастығын және шығармашылық қабілеттерін дамытуға бағытталды. Шара соңында қатысушылар өз әсерлерімен «Алматы ақшамы» газетімен бөлісті. Тренерлерге қаржы сауаттылығы бойынша сұрақтар қойылып, нақты жауаптар қайтарылды.