Килауэа — әлемдегі ең белсенді жанартаулардың бірі, ол Гавай архипелагының Үлкен аралында орналасқан.
Жанартау 23 желтоқсан күні таңертең атқылай бастады. Қазіргі уақытта лаваның гейзерлері 80 метрден аса биіктікке жетіп, авиациялық қауіп деңгейі қызыл белгіге дейін көтерілді деп хабарлайды АҚШ Геологиялық қызметі
Кратер ұлттық парктің жабық аймақтарында орналасқандықтан, лаваның жергілікті тұрғындарға қаупі жоқ. Дегенмен, сарапшылар вулкандық түтіннің қауіпі туралы ескертуде. Оның құрамындағы күкірт диоксиді жүрек-қан тамырлары және тыныс алу аурулары бар адамдар үшін зиянды болуы мүмкін.
Жанартаудың белсенділігін оның кратеріне орнатылған бейнекамералар арқылы бақылауға болады.
Килауэаның соңғы атқылауы биылғы жылдың қыркүйек және маусым айларында тіркелген.
Керек дерек
Килауэа - от құдайының мекені
- Орналасқан жері: Гавай аралдары, Үлкен арал.
- Түрі: Қалқанды жанартау.
- Ерекшелігі: Әлемдегі ең белсенді жанартаулардың бірі.
- Соңғы атқылауы: 2024 жылдың 23 желтоқсанында басталды. Лаваның биіктігі 80 метрге жетті.
- Қауіптер: Күкірт диоксидінен туындайтын вулкандық тұман (вог) тыныс алу және жүрек-қан тамырлары аурулары бар адамдарға зиянды.
- Ғылыми маңызы: Жанартаулық процестерді зерттеу үшін маңызды нысан.
Қызықты дерек: Килауэа Гавай мифологиясында от құдайы Пеле мекені деп есептеледі.