2024 жылғы 16 қыркүйекте ҚР Орталық референдум комиссиясының Төрағасы Нұрлан Әбдіров ТМД байқаушылар Миссиясы Штабының басшысы Олег Кулебамен кездесу өткізді.
Олег Кулеба ТМД-дан байқаушылар Миссиясы Штабының ашылуы және оның жұмысын бастауы туралы мәлімдеді. Ол Қазақстанның түрлі өңірлерінде өтетін референдум учаскелерінде халықаралық байқауды жүзеге асыру мақсатында Достастық елдерінен 50-ге жуық байқаушы тарту жоспарланып отырғанын атап өтті.
Кездесу барысында Нұрлан Әбдіров пен Олег Кулеба 2024 жылғы 6 қазанда өтетін республикалық референдумға байланысты халықаралық байқауды ұйымдастыру мәселелерін талқылады.
Нұрлан Әбдіров ТМД-дан келген байқаушылар Миссиясы мен ҚР Орталық референдум комиссиясы арасындағы тығыз ынтымақтастықты атап өтіп, халықаралық байқаушылардың қызметіне қажетті барлық жағдайлардың жасалатынын жеткізді.