Алматы қалалық №45 мектепте "Антитеррорлық қауіпсіздік және жалған қоңыраулар үшін жауапкершілік" тақырыбында ашық сабақ өткізілді.
Мектеп инспекторы Исакасов Ж.Е. 9-11 сынып оқушыларымен антитеррорлық қауіпсіздік тақырыбында маңызды дәріс өткізді, деп хабарлайды aqshamnews.kz
Ашық сабақ барысында терроризмнің алдын алу жолдары, күдікті заттар мен адамдарға назар аудару, қауіп төнген жағдайда өзін-өзі ұстау тақырыбында арнайы дәріс өткізілді. Көп жағдайда балалар да жалған телефон қоңырауларын жасап, қоғамға зиянын тигізіп жатады. Жалған қоңыраулардың зардабы да оқушыларға дан жақты түсіндірілді.
Жалған террорлық хабарламалар – бұл заңға қайшы әрекет, ол үшін қылмыстық жауапкершілік қарастырылған. Мұндай қоңыраулар тек құқық қорғау органдарын ғана емес, қарапайым азаматтарды да алаңдатады. Осы орайда егер күдікті әрекеттерді байқасаңыз, бірден 102 нөміріне хабарласыңыз!