Зұлымдық ниетпен адамдар қазақ ақынының есімін сақтап, сыртқы ресурсқа сілтеме жасаған.
ZHEST_KZ тelegram-арнасының хабарлауынша, 5-сыныпқа арналған қазақ тілі оқулығынан букмекерлік контора сайтына апаратын сілтеме табылған, деп хабарлайды aqshamnews.kz
CMN.KZ ақпарат агенттігіне Республикалық ғылыми-тәжірибелік білім мазмұнын сараптау орталығының өкілдері берген мәліметтерге сәйкес, бұл оқулық 2017 жылы басылып шыққан «Қазақ тілі мен әдебиеті. Бәйшешек» деп аталады.
«Екінші бөлімінде, 38-бетте, ақын Қалқаман Сариннің сайтына сілтеме болған (https://kalkamansarin.kz). Оқулық шыққан кезде бұл сілтеме автордың шығармашылығына арналған ресми ресурсқа апарған еді», — деп түсіндірді орталық мамандары.
Алайда, кейін сайтқа кибершабуыл жасалғаны белгілі болды.
«Алаяқтар сілтемені пайдаланып, өздерінің пайдасына шешкен. Олар тауар таңбасын заңсыз пайдаланды», — деп хабарлады орталықтың баспасөз қызметі.
Олардың айтуынша, мәселе қазір шешілді және сайт қалыпты жұмыс істеп тұр. Сондай-ақ, 2025 жылы оқулық қайта басылып шығады, ал оның мазмұны қайта қаралады.