Қазақстан Республикасы Сыртқы істер министрлігінің ресми өкілі Айбек Смадияров алдын ала мәліметтермен бөлісті.
«Алдын ала корей билігінен алынған мәліметтерге сәйкес, ұшақ апатынан қаза тапқандар арасында Қазақстан азаматтары жоқ», — деді Смадияров.
Boeing 737 ұшағы ұшу-қону жолағынан шығып кетіп, Муан әуежайындағы қоршауға соғылған.
Бангкоктан Оңтүстік Кореяға ұшқан ұшақтың бортында 175 жолаушы және алты экипаж мүшесі болған.
Қазіргі уақытта Муанда апатқа ұшыраған ұшақтан екі бортсеріктен басқа тірі қалған жолаушылар мен экипаж мүшелері табылған жоқ.
119 құтқару қызметі Boeing 737 ұшағының шағын құйрық бөлігін қоспағанда, түгелдей дерлік өртеніп кеткенін мәлімдеді. 12:50-де 85 адамның денесі табылғаны хабарланды.
Бейнежазба: Телеграм-арна «Вся Корея».