Алматыда осындай атпен ерекше байқау өтпек.
14 желтоқсан күні Алматы қаласындағы «Grand park» ойын-сауық сауда кешенінің концерт залында Х - Республикалық 50 жас пен 90 жас аралығындағы талантты жандарға арналған өнер байқауы өтеді, деп хабарлайды Almaty-akshamy.kz
Байқауды Қазақ радиосының танымал журналисі Гүлмира Нәлібай мен «Мереке» продюсерлік орталығы ұйымдастырып отыр.
Байқаудың мақсаты:
- Елуден асқан жандардың ән мен жырдан, қолөнер мен сурет салудан өнер додасын ұйымдастыру арқылы әрбір қатысушыға рухани қолдау көрсетіп, бойындағы өнерін жас күніндегідей қайта бір шыңдауына мүмкіндік сыйлау;
- Өмірде тәжірибесі мол өнер иелерін байқауға қатыстыру арқылы ескірген, ұмыт болған әндер мен күйлерді қайта жандандыру;
- қолөнер бұйымдарын өнер додасында көрсету арқылы ұлттық өнердің тағы бір жаңғыруына жол ашу;
- зейнетке шыққан қазыналы ата-әжелеріміздің немерелеріне арнап ән айтуы мен бата беруі арқылы қазақы тәрбиені жаңғырту;
Байқау жанрлары:
- «Ән салу»
- «Хормен ән салу»
- «Дәстүрлі ән»
- «Мәнерлеп өлең оқу»
- «Ақындық өнер»
- «Аспапта ойнау»
- «Би өнері»
- «Қолөнер»
- «Бата беру»
- «Суретшілік өнер»
Байқауға қатысу шарты мен ережелері туралы мына байланыс телефондары арқылы біле аласыз: +8 701 755 59 35, +8 777 2887311, +8 707 818 7514.
e-mail: astana22astana@mail.ru