Алматы қалалық мәслихатының депутаты, заңдылық, құқық тәртібі және қоғаммен жұмыс істеу мәселелері жөніндегі тұрақты комиссияның төрағасы Азамат Мұратұлы Айтқожин АЭС құрылысының маңызы бойынша сала мамандарымен кездесті.
Оның пікірінше, қазіргі заманғы атом электр станциялары ең қауіпсіз энергия көздерінің бірі болып табылады, өйткені олар көпдеңгейлі қауіпсіздік жүйелерімен жабдықталған.
Азамат Айтқожин атом энергетикасы Қазақстанның тұрақты дамуында шешуші рөл атқаратынын және электр энергиясына сұраныстың өсуін қанағаттандыру үшін АЭС құрылысының қажеттілігін атап өтті. Бұл жоба елдің энергетикалық қауіпсіздігін қамтамасыз етуге ғана емес, сонымен қатар экономика мен өнеркәсіптің дамуына серпін беретін маңызды қадам болып табылады.
Сонымен қатар, Айтқожин АЭС-тің құрылысы жаңа жұмыс орындарын ашуға, мамандарды даярлауға және инновациялық технологияларды енгізуге мүмкіндік туғызатынын айтты. Оның ойынша, АЭС салу елдің экономикалық өсіміне үлкен ықпал етіп, Қазақстанды энергетикалық тәуелсіздікке жетелейді.