Спорттық «Евро-Футбол.Ру» порталы бүгін Астанада өтетін Чемпиондар лигасының жалпы кезеңіндегі «Қайрат» – «Олимпиакос» матчінің болжамды құрамын жариялады, деп хабарлайды Аqshamnews.kz тілшісі Sports.kz-ке сілтеме жасап.
Басылым мәліметінше, алтыншы турда алматылық «Қайрат» пен гректің «Олимпиакосы» өте маңызды ойында жүздеседі.
«Қайраттың» болжамды құрамы:
Анарбеков (қақпашы), Мата, Сорокин, Мартынович, Тапалов, Глейзер, Қасабұлат, Громыко, Жоржинью, Мрынский, Эдмилсон.
«Олимпиакостың» болжамды құрамы:
Цолакис (қақпашы), Ортега, Пирола, Бьянкон, Марсело, Музакитис, Эссе, Поденсе, Шикинью, Стрефецца, Эль-Кааби.
Алматылық клуб сапында қақпашы Александр Заруцкий мен Офри Арад жарақатына байланысты алаңға шыға алмайды. Сондай-ақ «Қайраттың» ойыншысы Дастан Сатпаев бұл кездесуде дисквалификацияға ұшыраған. «Олимпиакос» жағында Александрос Пасхалакис пен Панайотис Рецас жарақат алған.
Алдыңғы турда екі команда да бір доп айырмашылығымен жеңіліп қалған еді: «Қайрат» «Копенгагенге» 2:3 есебімен жол берсе, «Олимпиакос» мадридтік «Реалдан» 3:4 есебімен ұтылды.
Бес тур қорытындысы бойынша «Қайрат» небәрі бір ғана ұпай жинаған. «Олимпиакос»-тың да жағдайы мәз емес. Грек клубының еншісінде екі ұпай бар.
