Death Clock AI ресми түрде 18 қыркүйекте іске қосылды.
АҚШ-та ғалымдар адам өлімінің нақты күнін есептей алатын сағатты ойлап тапты деп хабарлайды aqshamnews.kz
Бұл құрылғыны жасаушылар оны «өлім сағаты» (Death Clock) деп атаған. Жаңа жасанды интеллект қосымшасы адамның денсаулығы мен әлеуметтік әдеттері туралы сұрақтарға жауап алғаннан кейін оның биологиялық жасын және өлім күнін анықтай алатынын мәлімдеген.
«Бұл сағаттың басты мақсаты – адамды денсаулығы мен өмір салтын жақсартуға бағыттау. Өйткені, қазіргі денсаулық сақтау жүйесі көбінесе ауруды ерте кезеңде емес, тым кеш араласатын реактивті сипатта», деп түсіндіреді қосымшаның авторы Брент Фрэнсон.
«Өлім сағаты» адамның денсаулығы туралы ақпарат беріп, ұзақ өмір сүруге бағытталған жеке жоспар құруға көмектеседі. Қосымшада қан талдаулары, генетикалық профильдер және басқа да медициналық құжаттарды жүктеу мүмкіндігі бар.
Техникалық жаңалықтар авторы Аманда Кузер осы сағатты сынап көрді. Ол Death Clock-тың сұрақтары биологиялық факторлардан бастап, ұйқы және психикалық денсаулық сияқты мәселелерге дейін қамтитынын айтты. Мысалы, шылым шегу адамның өмір сүру ұзақтығына қалай әсер ететінін есептеп, оны тастаған жағдайда өмірді қанша жылға ұзартуға болатынын көрсетеді.