Пандемия жалғаса берсе, әлемде жаңа дағдарыс болуы мүмкін. Нұрсұлтан Назарбаев АХҚО басқару жөніндегі кеңес төрағасының орынбасары Сума Чакрабартимен кездесуде осындай оймен бөлісті, деп хабарлайды almaty-akshamy.kz
Жалпы, кездесуде пандемия жағдайында әлемдік экономиканы одан әрі дамыту перспективалары сөз болды.
- Қазір пандемиядан туындаған қиын кезеңдер келді. Егер пандемия осылай жалғаса берсе, онда жаңа дағдарыс болуы мүмкін. Қазірдің өзінде қарыздар дағдарысы бар, инфляция дағдарысы және энергия көздерінің арзандауы болжануда, - деді Нұрсұлтан Назарбаев.
Осы орайда тараптар өңірлердегі экономикалық ахуалдың даму болжамдарын талқылап, тәуекелдердің алдын алу мәселесін сөз қылды.