Мемлекет және қоғам қайраткері, ақын Нұрлан Оразалин өтіп жатқан сайлаудың ерекшелігін атап өтті, деп хабарлайды Almaty-akshamy.kz.
«Бұл жолғы сайлау ерекше жауапкершілікті арқалап өтіп отыр. Олай дейтінім, әлем тынышсыз. Осындай қиын-қыстау кезеңде елдің іргесін сақтау үшін, халқымыздың ішкі татулығы мен бірлігін қамтамасыз ету үшін әрі жаңа дәуірде Жаңа Қазақстанның шаңырағы шайқалмауы үшін біз өзіміздің азаматтық құқығымызды пайдаланып, дауыс беруіміз керек. Ұлтқа, ұрпаққа, халыққа сын деп ойлаймын. Міне, осы себепті мен алғашқылардың бірі болып дауыс беріп қайттым. Басымыздан береке кетпесін! Отандастарымды дауыс беруге шақырамын!» - деді ақын.