Қаладағы 60 кәсіпорын бос жұмыс орындарын ұсынды, деп хабарлайды aqshamnews.kz
Жәрмеңкені қалалық Жастар саясаты басқармасы мен Еңбек мобильділігі орталығы ұйымдастырды.
Жәрмеңкеге қатысқан 60 кәсіпорын 1 000-нан астам бос жұмыс орнын ұсынды. 
Жұмыс іздеушілер өз түйіндемелерін ұсынып, жұмыс берушілермен кездесіп, жұмыс шарттарын талқылады.
– Бұл жәрмеңке жас мамандарға да, аға буын өкілдеріне де арналған. Ең танымал бағыттар: білім беру және тәрбие, медицина және фармацевтика, өндіріс, біліктілікті талап етпейтін кәсіптер, бухгалтерлік есеп және аудит, – деп атап өтті Алматы Қалалық карьера орталығының жетекшісі Әділет Жанабаев.
Тіпті, Қарағанды облысындағы қоғамдық қорлардың бірі барлық ниет білдірушілерді өз өңіріне жұмысқа шақырды.
– Біз Қарағанды облысындағы мектептерде мұғалім болып жұмыс істеуге университет түлектері мен тәжірибелі мамандарды тартамыз. Конкурс ағымдағы жылдың 31 қазанына дейін жалғасады, – деп мәлімдеді қордың рекрутинг маманы Әдина Уәлиева.
