Таңертең ашқарынға немесе әр ас алдында бір стақан таза су ішу пайдалы әдеттердің бірі саналады. Әдетте адамдар оған лимон тілімін, жалбыз жапырағын немесе тіпті бір қасық бал қосады. Бірақ мұндай су адам ағзасына зиян тигізуі мүмкін. Диетолог Лиза Афинская түсіндірді, - деп хабарлайды aqshamnews.kz тілшісі "Доктор Питерге" сілтеме жасап.
"Лимон мен бал қосылған су ішу аса пайдалы емес. Бұл сусын суперфуд емес, құрамында көп мөлшерде дәрумендер, минералдар немесе басқа да құнды заттар жоқ", - дейді маман.
Диетологтар суға қосылатын балға қатысты айтып отыр. Иә, балда пайдалы заттар бар, оның ішінде фенолдар, флавоноидтар кездеседі. Соның арқасында балдың қабынуға және бактерияға қарсы қасиеттері бар. Бірақ оны суға қауіпті болуы мүмкін.
Неге бал қауіпті болуы мүмкін?
"Бал — бос қанттың шоғырланған көзі. Ол гликемиялық жүктемені арттырады, ал бізге бұл қажет емес", - деп түсіндіреді Лиза Афинская.
Мәселен, сіз балды аз мөлшерде тағамға қосқанда (үйдегі пайдалы десертке, маринадқа, ботқаға), ол жерде бар талшық, май мен ақуыз қанттың қанға сіңуін баяулатады. Осылайша қандағы қант деңгейі күрт көтерілмейді. Сол себепті балды көбіне жаңғақпен бірге жеген жақсы.
"Ал суға қосылған бал пайдалы ештеңе жоқ: талшық та, ақуыз да, май да жоқ. Сусынды анда-санда дәмі үшін немесе суық тигенде ішсеңіз болады. Бірақ оны күн сайын ішуге болмайды. Ең дұрысы - таза су ішу, ал дәм беру үшін лимон, апельсин тілімдерін немесе жалбыз жапырағын қосуға болады", - дейді диетолог.