Әуесқой бокста әлемнің үш дүркін чемпионы және 2024 жылғы Олимпиаданың қола жүлдегері Назым Қызайбай жеке өміріне қатысты сұраққа жауап берді, - деп хабарлайды Vesti.kz.
Бұл туралы спортшы "1001 түн" бағдарламасында айтты.
Бағдарлама барысында көрермендердің бірі 32 жастағы Назымнан шетелдік азаматқа тұрмысқа шыққалы жатыр деген ақпараттың рас-өтірігін сұрады.
"Адамдар мұны қайдан шығарып алғанын білмеймін. Бұл туралы жиі сұрайды. Оны мен айта алмаймын, шыны керек. Оны уақыт көрсетеді деп ойлаймын. Иә да, жоқ та, демеймін, ертең не болатынын білмейсің ғой. Спортпен айналыспай-ақ қойсын. Бірақ өз-өзіне қарағаны дұрыс", – деді Қызайбай Qazaqstan телеарнасының эфирінде.