Наурызбай ауданының әкімі Назира Тоғызбаева ӨКҚ брифингінде оқушыларды тасымалдау үшін қанша көлік бөлінгенін және мектепке бөлінген сары автобустардың қалай жұмыс істейтінін айтты.
Наурызбай ауданына «Мектеп автобусы» жобасының аясында 27 автобус бөлінді, олар күнделікті 2400 оқушыны тасымалдайды, деп хабарлайды аlmaty-akshamy.kz.
«2024 жылдың қаңтар айынан бастап 940 балаға қосымша 16 автобус бөлінді. Жалпы 3 400-ге жуық бала қамтылған», - деді аудан басшысы.
Сондай-ақ, Назира Тоғызбаева биылғы 1 маусымда Мемлекет басшысының тапсырмасы бойынша Наурызбай ауданында инновациялық шығармашылықтың көпсалалы орталығы ашылғанын еске салды.
«Басты міндет – балаларымызға ең жақсысын беру. Жаңа орталық мектептерге қадамдық қолжетімді жерден ашылды және жоғары стандарттар бойынша цифрландырудың білім беру технологияларымен жабдықталған. Қазіргі уақытта 2200 бала қамтылған», - деді ол.
Сонымен қатар, Наурызбай ауданында Damu bala бағдарламасы белсенді жүзеге асырылуда - балалар мен жасөспірімдерге арналған шығармашылық және спорттық үйірмелерді қаржыландыруға жергілікті бюджеттен 1,4 млрд теңге бөлінді. Бағдарлама аясында 10 мыңнан астам бала тегін үйірмелер мен спорт секцияларына қатысады.