Наурызбай ауданындағы Тастыбұлақ шағынауданында сумен жабдықтау және су бұру желілерін салу бойынша ауқымды жоба жүзеге асырылуда, – деп хабарлайды aqshamnews.kz тілшісі.
Жоба аясында 80,2 шақырым су құбыры және 71,2 шақырым кәріз желісін салу көзделген. Бүгінде оның 39,2 шақырым су құбыры және 28,7 шақырым кәріз желісі тартылды.
Құрылыс жұмыстарын «Alatau Construction» ЖШС жүргізуде. Жобаны 2027 жылдың желтоқсан айында аяқтау жоспарланған.
Жоба толық іске асқаннан кейін Наурызбай ауданының 7 мың тұрғыны үздіксіз сумен жабдықтау және су бұру жүйесімен қамтамасыз етіледі.