Бағдарлама аясында алғашқы тұрғын үйін небәрі 10% бастапқы жарнамен және жылдық 7%-дан басталатын мөлшерлемемен рәсімдеуге болады, деп хабарлайды aqshamnews.kz
Аталған бағдарламаға өтінім қабылдау 2025 жылдың 3 қарашасы мен 1 желтоқсан аралығында жалғасады. Ол тек онлайн форматта Baspana Market порталы арқылы берілмек.
Бағдарлама талаптары да оңай:
– "Отбасы банкінің" салымшылары, депозитінде кемінде 2 миллион теңге болуы тиіс;
– Өзінде және отбасы мүшелерінде соңғы 5 жылда баспанасы болмаған азаматтар;
– Жасы 18 бен 63 жас аралығындағы қазақстандықтар.
Бастапқы жарна:
• егер пәтер таза әрлеуде болса (10%);
• егер пәтер екінші нарықтан немесе қарапайым әрлеуде болса (20%).
Пайыздық мөлшерлеме:
• 7% (ЖТСМ – 7,1%) – әлеуметтік осал топтарға;
• 9% (ЖТСМ – 9,4%) – өзге қатысушыларға.
Жаңа бағдарламада қарыз соммасы аймақтарға 30 миллион теңгеге дейін, ал Астана мен Алматыда 36 миллион теңгеге дейін берілмек.