Наурыз айындағы ҰБТ-ға өтініштерді қабылдау 15 ақпанда басталды.
Өтініштерді қабылдау 25 ақпанға дейін жалғасады. Тіркелу Ұлттық тестілеу орталығының app.testcenter.kz. сайтында немесе UTO қосымшасы арқылы жүргізіледі, деп хабарлайды aqshamnews.kz.
Тестілеудің өзі 1 наурыз бен 5 сәуір аралығында өтеді.
Бұл тестілеуге келесі тұлғалар қатыса алады: орта білім беру ұйымдарының бітіруші 11 (12) сынып оқушылары; шартты түрде ақылы негізде күндізгі оқу нысаны бойынша жоғары оқу орындарына қабылданғандар; өткен жылғы мектеп және колледж түлектері (толық оқыту нысанына); ҚР азаматы болып табылмайтын ұлты қазақ тұлғалар; шетелде білім алған бітіруші 11 (12) сынып оқушылары (Қазақстан Республикасының азаматтары).
Тестілеуге қатысу құны – 5640 теңге.
Тестіленушілер ҰБТ-ға тіркелу кезінде тестілеу өтетін ПУНКТТІ, КҮНДІ және УАҚЫТТЫ өз еркі бойынша таңдайды.