Тышқанның ата жауы – мысықтың да артықшылықтары көп.
Мәселен, мысықтардың жүрегі біздікімен, яғни адамдармен салыстырғанда екі есе жылдам соғады. Олар дірілге өте сезімтал. Адамға қарағанда, жер сілкінісін 10–15 минут бұрын сезеді.
Мысықтың денесінде 230 сүйек бар, ал бізде 206 сүйек. Әлемде ең бай мысық та бар. Аты – Блэки. Оған қожайыны Бен Ри 15 миллион фунт стерлинг мұра қалдырып кеткен көрінеді. Ал Дасти есімді мысық ұрпақ саны бойынша рекорд орнатып, кітапқа енген. Ол өз өмірінде 420 марғау туған.
Гиннестің рекордтар кітабына енген ең ауыр мысықтың аты – Himmy. Ол Австралияның Квинсленд штатынан. 21 келі салмақпен рекордтар кітабына енген мысық 10 жыл өмір сүрген.
Мысықтар, әдетте, 20 жылға дейін өмір сүреді, бұл көрсеткіш адамдарда 96 жасқа тең. Шотландияда Таузер атты мысықтың құрметіне орнатылған ескерткіш мұнара бар. Ол өз өмірінде шамамен 30 мың тышқан аулаған.
Мысықтардың иттерден айырмашылығы, олар тәттіге құмартпайды. Ұрғашылары, әдетте, жерді оң табанымен қазса, еркек мысықтар сол табанымен қазады.
Мысықтар шамамен 100 түрлі дыбыс шығарады. Ал иттер тек 10 түрлі дыбыс шығара алады. Ежелгі Египетте үй мысығы өлген кезде, отбасы мүшелері қастарын қырып, оны жоқтап, қайғырған. Олар сондай-ақ, мысық өлген кезде шарап ішіп, кеуделерін ұрып, жерлеу рәсімін өткізген.