Алматыда биыл мопедтердің қатысуымен 359 жол-көлік оқиғасы тіркелді
Алматы полициясы қалада көктемгі-жазғы кезеңде көліктің жекелеген түрлерінің қозғалысын бақылауды күшейту шаралары қабылдануда, бұл қаладағы жол-көлік оқиғаларының деңгейіне әсер етуі мүмкін, деп хабарлайды aqshamnews.kz
Әңгіме баламалы көлік құралдары туралы болып отыр, олардың қатарына мопедтер, мотоциклдер, скутерлер, самокаттар және тағы басқа көлік түрлері кіреді.
Алматы қалалық полиция департаментінің жергілікті полиция қызметі басқармасының бастығы Серік Шумаевтың айтуынша, мопедтер мен электросамокаттарды тізгіндеген адамдардың саны артқан сайын, олардың қатысуымен жол қозғалысы ережелерін бұзу саны да өскен.
"Тәжірибе көрсеткендей, мопедтер мен электросамокаттарды жүргізетін адамдардың саны көбейіп, соның салдарынан олардың қатысуымен жол қозғалысы ережелерін бұзу деректері де артуда. Баламалы көлік түрлерін жүргізетін адамдардың Қазақстан Республикасының Жол қозғалысы ережелерін бұзу деректерін анықтау бойынша жұмыс күшейтілді. Алдын алу шараларының бір күнінде алдыңғы шептегі бөлімшелер мопед жүргізушілері жасаған 150-ден астам жол қозғалысы ережелерін бұзу дерегін анықтады," – деді Шумаев.
Сонымен қатар, ол жыл басынан бері Алматыда мопедтер мен электросамокаттардың қатысуымен 359 жол-көлік оқиғасы тіркеліп, нәтижесінде 364 адам зардап шегіп, алтауы қаза тапқанын атап өтті.