Кеше әлеуметтік желіде "Астана–Алматы" ұшақ бортында денсаулық сақтау министрі Ақмарал Әлназарованың жолаушыға алғашқы медициналық көмек көрсетіп жатқан видеосы тарады. Министр құтқарған адам танымал журналист Гүлмира Әбіқай болып шықты, - деп хабарлайды aqshamnews.kz тілшісі.
Журналист ұшақ бортында болған жағдайды баяндап, әлеуметтік желідегі парақшасында бөлісті.
"Рас, болған оқиға. Таңғы 6 жарым, қан қысымым көтерілді. Қоғам пікірі 2-ге жарылыпты: бұл дайындалған сценарий, PR десе, келесі топ енді министрден бұрын дәрігер ғой, дұрыс жасаған дейді. Ал мен дәл осы рейсте, эконом класта 17J орындa отырған жолаушы ретінде денсаулығым кенет сыр бергенде шын жанашыр болған барша жақсы жандарға алғыс айтқым келеді"
Гүлмира Әбіқайдың айтуынша, қазір денсаулығы жақсы.
