Minimarathon.Kz-ке тіркелу 18 желтоқсанда аяқталады

Minimarathon.Kz атынан бесінші жаңа жылдық отбасылық костюмді жүгіру жарысына тіркелудің аяқталуына небәрі 9 күн қалып отыр, бұл - өтіп бара жатқан жылдың ең атмосфералық және жарқын спорт оқиғаларының бірі.

2025 жылғы жүгіру жарысының бағдарламасы бұдан да қызықты бола түседі. Қонақтарды серіктестеріміз ұсынған балалар мен ересектерге арналған интерактивтер, мерекелік тосын сыйлар мен сыйлықтар, Аяз атаға хат жазу, өтіп бара жатқан жылда жарқын суреттерге түсіп қалу мүмкіндігі, сондай-ақ жаңа жылдық көңіл-күйді сыйлайтын тақырыптық іс-шаралар күтеді.
Әрбір мәрешіге естелік медаль беріледі, ал ең жасампаз қатысушыларға жүгіру жарысының серіктестері дайындаған «Үздік костюм үшін» номинациясы бойынша арнайы сыйлықтар табысталады.

Іс-шара Алатау ауданы әкімдігі мен Қазақстанның жетекші құрылыс компаниялары - BI Group, Bazis-A және Sensata Group қолдауымен өткізіледі, осының арқасында жүгіру жарысына қатысу одан да қолжетімді бола түсті. Қатысуға ниет білдіргендердің бәріне слоттардың барлық санаттарына Алатау ауданы әкімдігінің 70% арнайы жеңілдігі бар. Жеңілдікті пайдалану үшін minimarathon.kz сайтында тіркелген кезде ALATAU70 промокодын енгізген жеткілікті.

Алатау ауданы - Алматының ең қарқынды дамып келе жатқан аудандарының бірі. Ол заманауи спорт инфрақұрылымына бай және қала тұрғындары мен қонақтарын мерекелік отбасылық жүгіру жарысына атсалысуға шақырады. Ауданда көптеген жас отбасылар тұрады, осындай бастамалар қаланың жаңа дәстүрін қалыптастырады - Жаңа жылды белсенді, бүкіл отбасымен, таза ауада қарсы алу дәстүрі.
Қатысушылар 2026 метрлік символикалық қашықтықты еңсеріп, көтеріңкі әрі жаңа жылдық көңіл-күйге бөленеді.

Костюмді жүгіру жарысы әлдеқашан Minimarathon.Kz-тің сүйікті форматына айналған - бұл ғажайып, әрі бірлік пен мереке сезімі. Биыл 1500 слот ұсынылған, ал іс-шараға деген қызығушылық жыл өткен сайын артып келеді. Тіркелу 18 желтоқсанда аяқталады - тіркеліп үлгеріңіздер, слоттар саны шектеулі!

Ұйымдастырушылар инклюзивтілікке ерекше көңіл бөледі: сөре сызығына Алатау ауданынан даму ерекшеліктері бар балақайлар, Meiirim оңалту орталығының шәкірттері, сонымен бірге Астана қаласынан «Жанасу - Прикосновение» қорының қатысушылары шығады.