"Милтон" дауылы дес берер емес.
Желдің екпіні сағатына 200 шақырымға жеткен. Салдарынан көшелерді су шайып, 2 млннан астам адам жарықсыз қалды. Табиғи апаттан қаза тапқандар да бар. Жел екпіні бәсеңдемесе толқын тудырып, алапат су тасқынына алып келуі мүмкін деген болжам бар, деп хабарлайды aqshamnews.kz.
6 млн-нан астам адам үйлерін тастап, қауіпсіз жерге көшуге мәжбүр болған. Флорида штатының 70 мыңнан астам тұрғыны билік ұйымдастырған баспаналарға эвакуацияланды. Қаладағы мектептер мен жоғарғы оқу орындары жабылып, қызметкерлер қысқамерзімді еңбек демалысына жіберілді. Мемлекеттік мекемелер, дүкендер мен көптеген жекеменшік компаниялар жұмысын тоқтатты.
Қазақстанның АҚШ-тағы елшілігі отандастарымызды төтенше жағдай болса дереу қауіпсіз жерге көшуге дайын болуға, жергілікі биліктің нұсқауларын мүлтіксіз орындауға шақырды. Табиғи апатқа байланысты елшілік жедел желіні іске қосты. Майамидегі отандастарымыз да дауылға қарсы қамдануды бастап кетті. Оларға үйлерін қорғау үшін құм толтырылған қап тегін таратылған.