Соңғы 50 жылда микропластикамен ластанудың экспоненциалды өсу қарқыны адам миындағы құрамының ұлғаюына да әсер етуі мүмкін, яғни, жылдан жылға қоршаған ортаның микропластикпен ластану деңгейінің өсу көрсеткіші артып келеді, осыған байланысты адам мен өзге де тіршілік иелерінің организіміне де жиналатын микропластик мөлшері арта береді.
Бұл жайында islam.kz порталы мәлімдеген, деп хабарлайды aqshamnews.kz.
Ғалымдар бұл бағытта 1997-2024 жылдар аралығында қайтыс болған ондаған адам мәйітінен алынған ми тіндерінде микро және нанопластиканың шоғырлану деңгейінің артқанын анықтады. Сондай-ақ, микропластик бауыр мен бүйрек үлгілерінен де табылған.
Бұдан бөлек, алжу ауруына ұшараған науқастар миының микропластикпен ластану деңгейінің алты есе жоғары келетіні де белгілі болды. Мамандар мидағы микропластиканың орташа мөлшерін шамамен жеті грамм болатынын анықтады. Бұл көрсеткіш бір жолғы қолданылатын шай қасықтың салмағына тең.
Орталық жүйке жүйесiндегi бұл бөлшектердiң шоғырлану деңгейі бауыр мен бүйректерге қарағанда 7-30 есе жоғары болып шықты. Микропластик бүгінде адамзатқа қауіп төндірген ластаушы заттардың алдыңғы қатарында тұр. Бұған қоса, микропластик тек бірде-екілі дертке ғана қалдықтырып қоймай, нневрологиялық, жүрек-қан тамыр ауруларынан бастап, түсік болу, қан тамырларын зақымдау, т.б. секілді түрлі ауруларға бастайды. Миға шоғырланған микропластиктің мөлшері бауыр мен бүйрекке және өзге ағзаларға қарағанда жоғары болатыны анықталып отыр.