Денсаулық сақтау министрлігінің шешімін күту керек.
Білім министрі Ғани Бейсембаев Қазақстан мектептерінде метапневмовирусқа байланысты қандай да бір шектеулер енгізу жоспарланып отыр ма деген сұраққа жауап берді, деп хабарлайды aqshamnews.kz
Білім министрлігінің басшысы еліміздің білім беру жүйесінің түрлі сын-қатерлерге дайындығы жоғары екенін атап өтті – бұл 2020 жылғы пандемия кезінде жинақталған тәжірибе.
"Сондықтан барлық колледждер мен мектептер осы жағдайға дайындалу үшін барлық қажетті заттармен толық жабдықталған. Бірақ бүгінде Денсаулық сақтау министрлігінің шешімін күту керек деп ойлаймын. Біз түрлі сынақтарға дайынбыз", -деді Ғани Бейсембаев.
Премьер-министрдің орынбасары Тамара Дүйсенова жақында ҚР Денсаулық сақтау министрлігі Дүниежүзілік денсаулық сақтау ұйымымен байланысқа шыққанын хабарлады.
"Жауап бізге ғана емес, басқа елдерге де келді. Дүниежүзілік денсаулық сақтау ұйымы үрейленудің қажеті жоқ, бұл вирус елдерде ондаған жылдар бойы бар және емдеу — алдын алу шараларын қабылдау керек деді. Сондықтан "бұл қалыпты құбылыс, бұл біз бірге өтуіміз керек кезең", -деп қосты ол.