Қазіргі қоғамда мемлекеттік қызметкерлердің рөлі өте маңызды әрі көпқырлы. Олар тек өздерінің функционалдық міндеттерін орындап қана қоймай, азаматтардың құқықтары мен мүдделерін қорғауға, халыққа заң талаптарын дұрыс қолдану тәртібін түсіндіруге, мемлекетке деген сенімді арттыруға, қоғаммен тиімді қарым-қатынас орнатуға міндетті.
Әрбір мемлекеттік қызметкер өз лауазымдық міндеттерін орындаумен қатар, этикалық нормаларды және мемлекеттік қызметке қатысты заңнамалық талаптарды қатаң сақтауы тиіс. Мемлекеттік қызметте өзін-өзі ұстаудың жоғары стандарттары талап етіледі, олар әрқашан мәдениетті, тұтынушыға бағытталған және кәсіби деңгейде болуы керек.
Мемлекеттік қызметке кіргенде, әр кандидат арнайы шектеулер қабылдайды және бұл қызметтің жауапкершілігін толық түсінуі қажет. Осы мақсатта этика бойынша уәкілетті өкілдер институты құрылды. Олар персоналмен жұмыс істеу, сыбайлас жемқорлыққа қарсы іс-шаралар ұйымдастыру, азаматтардың және қызметкерлердің шағымдарын қарау, ұжымда қолайлы моральдық-психологиялық ахуал қалыптастыруға жауапты.
Департамент мемлекеттік қызметкерлердің заңда көзделген шектеулерді және этикалық нормаларды сақтауын қамтамасыз ету мақсатында үнемі түсіндіру жұмыстарын жүргізеді. Сондай-ақ, құмар ойындарға қатысты заңнамалық актілерге өзгерістер енгізілгенін және ойын бизнесімен айналысуға тыйым салынғанын еске салды. Жиі келіп түсетін шағымдар – демалыс беру, сыйақы беру және қызметкерлерге әділетсіз жаза қолдану мәселелері бойынша.
Сонымен қатар, «Тәлімгерлер кеңесі» аясында жас басшыларды қолдау және олардың қызметке бейімделуіне көмек көрсету мақсатында арнайы кездесулер өткізіледі. Бүгінгі таңда кеңес мүшелері Б.Жапаров пен Б.Камаловтың жұмыс нәтижелері тыңдалып, ұжымда дұрыс қарым-қатынас орнату және жұмыс нәтижелілігін арттыру бағытындағы ұсыныстары қаралды.