9 айда шамамен халықтың 40 пайызы екпе алған.
Қасым-Жомарт Тоқаев коронавирусқа қарсы ревакцинацияға кірісуді тапсырды, деп хабарлайды Almaty-akshamy.kz
Үкімет пен әкімдер халықты ревакцинациялау науқанына кірісуі қажет. Бұл туралы Мемлекет басшысы Қасым-Жомарт Тоқаев айтты.
«Эпидемиологиялық ахуал тұрақсыз болып қалуда. Күн сайын 30-ға дейін өлім-жітім тіркеледі. Мұның барлығы вакцинация қарқынының төмендеуі аясында орын алып жатыр. 9 айда халықты қамту шамамен 40 пайыз болды», - деді Қасым-Жомарт Тоқаев Екібастұзда өтіп жатқан моноқалаларды дамыту мәселелеріне арналған жиналыста.
Ақорданың Twitter-дегі мәліметіне сәйкес, Президент елдердің басым бөлігі халықты ревакциналауға көшкеніп атап өтті.
«Қарқынды науқанды наурыз айында бастағанымызды ескерер болсақ, бізге де ревакцинация уақыты жетті. Үкімет пен әкімдер халықты ревакцинациялау науқанына кірісуі қажет», - деді Мемлекет басшысы.